شه‌فه‌ق نيوز/ وه‌زاره‌ت ته‌ندروستى عراق، ئاشكراى تۆماركردن 3 حاڵه‌ت مردن و 119 تويشبوين تازه‌ كرد  وه‌ ڤايرۆس كۆرۆنا له‌ وڵاته‌گه‌ له‌ ماوه‌ى 24 سه‌عات گوزه‌يشت، ك يه‌يش به‌رزترين ئاماريگ رووژانه‌س له‌وه‌ختيگه‌و ئى ڤايرۆسه‌ ده‌ركه‌فتگه‌.

وه‌زاره‌ته‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: ئه‌و حاڵه‌ته‌يل تويشبوين تازه‌ وه‌ى جووره‌ دابه‌ش بوينه‌: به‌غدا/ ره‌سافه‌ 35، به‌غدا كه‌رخ 34، شار پزيشكى 13، به‌سره‌ 32، موسه‌نا 2، دياله‌ 1، نه‌ينه‌وا 2.

وه‌زاره‌ته‌گه‌ باس خاسه‌وبوين 63 حاڵه‌تيش كرد وه‌ى جووره‌: به‌غدا، ره‌سافه‌ 8، به‌غدا/ كه‌رخ 5، به‌سره‌ 26، كه‌ركوك 2، كه‌ربه‌لا 7، ميسان 9، موسه‌نا 3، هه‌ولێر 3.

جى باسه‌، وه‌زاره‌ته‌گه‌ له‌باره‌ى حاڵه‌ته‌يل مردنيش وت: يه‌كيگ له‌ به‌غدا/ ره‌سافه‌و دووانيش له‌ شار پزيشكى مردنه‌.