عراق داوا له ئۆرپا ئه‌كا "شنگن" ئه‌را هاووڵاتيه‌يلێ ئاسانه‌و بكا
شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ى عراقى داوا له وڵاته‌يل ئۆرپى كرد ئاسنكارى وه‌پيداين "شنگن" ئه‌را هاووڵاتيه‌يلێ ئاسانه‌و بكا له‌وانه‌گ مه‌يل ئه‌را سه‌ردان ئۆرپا ديرن له‌وه‌ر گه‌شتيارى و بازرگانى و خوه‌نين.
ئه‌لحه‌كيم له كۆنگره‌يگ هاوبه‌ش له به‌غدا وه‌ل فيديريكا مۆگرينى نوێنه‌ر باڵا ئه‌را سياسه‌ت ئاسايش و كاروبار خارجى له يه‌كێتى ئۆرپا جه‌خت له هه‌وڵ حكومه‌ت ناوه‌ندى كرد ئه‌را كاراكردنه‌وه‌ى كه‌رت گه‌شتيارى و داوايش له ده‌وڵه‌ته‌يل ئورپا كرد ڤيزاى شنگن ئه‌را عراقيه‌يل ئاسانه‌و بكا له‌وانه‌گ مه‌يل گه‌شتيارى و بازرگانى و خوه‌نين ديرن.
جى باسه، وه‌زير خارجيه‌ى عراقى هه‌ميش وت: مه‌سه‌لى هاوردنه‌وه‌ى گه‌شته‌يل هاتن و چگن ئاسمانى عراقييش تاووتوێ كرديمنه و ئاماژه وه‌يه‌يش كرد يه‌كێتى ئورپا بڕ 400 مليۆن يۆرۆ ئه‌را ئاوه‌دانكردنه‌وه‌ى ناوچه‌يل ئازادكرياێ له‌ژير ده‌سڵات ريكخرياگ تيرۆريستى داعش به‌خشيه.
