عراق ده‌وام فه‌رمى 50% كه‌مه‌و كرد و ته‌نيا ده‌زگايه‌يل ئه‌منى و ته‌ندروستى ناگرێده‌و
2020-03-05 16:02:57
شه‌فه‌ق نيوز/ ئه‌ميندارێتى ئه‌نجومه‌ن وه‌زيره‌يل عراقى، ئاشكراى كه‌مه‌وكردن ده‌وام فه‌رمى كرد وه‌ريژه‌ى 50% ، ته‌نيا ده‌زگايه‌يل ئه‌منى و ته‌ندروستى له‌لى بترازيه‌ێد، ئه‌ويش له چوارچيوه‌ى رێ وشوونه‌يل ريگريكردن له بڵاوبوينه‌وه‌ى ڤايرۆس كۆرۆنا.
ئه‌ميندارێتيه‌گه له به‌ياننامه‌يگ رووژنامه‌گه‌رى وت: ده‌وام فه‌رمى ئه‌را كارمه‌نده‌يل ده‌وڵه‌ت وه ريرژه‌ى 50% ئه‌دێ، ته‌نيا ده‌زگايه‌يل ئه‌منى و ته‌ندروستى ناگرێده‌و.
هه‌ر له هه‌مان باوه‌ت، به‌ياننامه‌گه ئاماژه وه‌يه‌يش كرد ك ريگرى له هاتنه‌ناو هه‌ر كه‌سيگ بيگانه ئه‌كريه‌ێد له‌و ده‌وڵه‌ته‌يله‌و ك ڤايرۆس كۆرۆنا له‌تيان بڵاوه‌و بويه، بيجگه ئه‌وه‌گ وه‌زاره‌ت ناوخوه‌يى ئيقامه‌ى كارگه‌ره‌يل له كۆمپانيايه‌يل بيگانه دريژتره‌و كرد وه‌بى ده‌رچگن له وڵاته‌گه.
