عراق دو هه‌ڵمه‌ت سه‌ربازى ئه‌را له‌ناوبردن داعش له سێ پارێزگا ده‌سوه‌پيكرد
شه‌فه‌ق نيوز/ سه‌رچه‌وه‌يگ ئه‌منى له پاريزگاى دياله، ئاشكراى ده‌سوه‌پيكردن ئۆپراسيۆنه‌يل سه‌ربازى فراوانيگ كرد له حه‌وز وه‌قف وه دويرى 25كم له باكوور خوه‌رهه‌ڵات باقووبه ئه‌را له‌ناوبردن تيرۆريسته‌يل داعش و پاكه‌وكردن ئاوايه‌يل كشتوكاڵى له داعشيه‌يل.
ئى هه‌ڵمه‌تيشه وه‌ل ده‌سوه‌پيكردن قۆناغ دويه‌م ئۆپراسيۆن پاڵه‌وانه‌يل عراق ئه‌نجام دريا له‌وه‌ر وشكانن ناوچه‌يل باشوور خوه‌رئاواى كه‌ركوك له مه‌رزه‌يل جياكه‌ر وه‌ل هه‌ردوگ پاريزگايه‌يل سه‌ڵاحه‌دين و كه‌ركوك وه رويوه‌ر 5,738كم چوارگووشه.
له‌ى باوه‌ته‌و سه‌رچه‌وه ئه‌منيه‌گه ئه‌را ئاژانس شه‌فه‌ق نيوز وت: ئى ئۆپراسيۆنه وه به‌شدارى هيزه‌يل سوپا و پۆليس و حه‌شد شه‌عبى و وه‌پاڵپشتى ته‌ياره‌يل سوپا ده‌سوه‌پيكردگه‌و ئاوايه‌يل(زه‌هره و شێخى و مخێسه)گرته‌سه‌و له حه‌وز وه‌قف ك ناحيه‌يل ئه‌لعباره‌و ئه‌بى سه‌يدا ئه‌گريده‌و.
