عراق له‌وه‌ر قه‌رزه ده‌ره‌كيه‌گه‌ى ده‌س كرده‌سه جموجويل
2020-04-16 08:41:22
شه‌فه‌ق نيوز/ مزهر محه‌مه‌د ساڵح راوێژكار ئابوورى و دارايى سه‌رۆك وه‌زيره‌يل، وت: گفتگووه‌يل عراق وه‌ل سه‌ندووق نه‌خت ناودوڵه‌تى وه‌رده‌وامه ئه‌را وساننه‌وه‌ى بڕين قه‌رزه‌يل ده‌ره‌كى.
له‌ى باوه‌ته‌و، رووژنامه‌ى ئه‌لسه‌باح له شماره‌ى ئمڕووى له زووان ساڵح وت: عراق له‌وه‌ر ڤايرۆس كۆرۆنا و داوه‌زين نرخ نه‌فت چيه‌سه بار قورسيگ و هه‌ر وه‌و خاتريشه هه‌وڵ وساننه‌وه‌ى داين ئه‌و قه‌رزه‌يل ئه‌ياد له حاڵ حازر.
باس له‌وه‌يش كرد سه‌ندوق نه‌خت ناوده‌وڵه‌تى رۆڵ خاسيگ ديرێد وه‌رانوه‌ر عراق وه‌تايبه‌ت ئه‌گه‌ر داينه‌وه‌ى ئى قه‌رزه‌يله دويا بخه‌ێد، وه‌لێ هه‌وه‌جه وه دبلۆماسيه‌ت به‌رزيگ ديرێد.
