عراق هه‌وڵ وه‌رگرتنه‌وه‌ى نزيكه‌ى 90 مليار دۆلارى له‌لاى 55 ده‌وڵه‌ت ئه‌ياد
شه‌فه‌ق نيوز/ ده‌سه‌ى ده‌سپاكى باس له‌وه كرد عراق هه‌وڵ وه‌رگرتنه‌وه‌ى بڕ زياتر له 87 مليار دۆلار ئه‌ياد جوور بڕه پويليگ مه‌زه‌نه‌كرياێ له زمه‌ت 55 ده‌وڵه‌ت ك وه‌رجه داگيركارى كوه‌يت له‌لايه‌ن عراقه‌و ريككه‌فتن وه‌ليا كرياگه، يه‌يش له‌وه‌ختيگ ئسپانيا ئاماده‌گى خوه‌ى ده‌رخستگه ئه‌را داينه‌وه‌ى ئه‌و قه‌رزه ك مه‌ندگه له‌لاى له‌و وه‌خته‌يله‌و تائيسه.
له‌ى باوه‌ته‌و، رووژنامه‌ى سه‌باح نيمچه فه‌رمى له زووان سه‌رۆك ده‌سه‌ى هاوردنه‌وه له ده‌سه‌ى ده‌سپاكى وت: ياسايه‌يل عراقى سڵا داسه دو لايه‌ن ئه‌را هاوردنه‌وه‌ى ئه‌و بڕه پويل عراقيه له ده‌يشت, ك پيكهاتنه له سه‌ندووق هاوردنه‌وه‌ى داراييه‌يل و ده‌زگاى هاوردنه‌وه.
رووژنامه‌گه وت: مه‌سه‌له‌ى هاوردنه‌وه‌ى ئه‌و داراييه ته‌وه‌ر باسه‌يله ك دوياى وه‌هار عه‌ره‌بى ده‌ركه‌فت و ريككه‌فتن ياسايى له‌ى باوه‌ته‌و وجوود ديرێد و گشتلايگيش ئه‌وه ئه‌زانێد ك عراق دوياى داگيركردن كوه‌يت گشت دارايه‌يلێ له ده‌يشت وه بڕياره‌يل 660 و 661 ئه‌نجومه‌ن ئاسايش سڕ كرياو ئيسه‌يش 55 ده‌وڵه‌ت له‌وباوه‌ته‌و قه‌رزار عراقن و هه‌وڵ هاوردنه‌وه‌ى ئه‌و قه‌رزه‌يله دريه‌ێد.
