عراق و توركيا جه‌خت له مه‌سه‌له‌يگ ئه‌كه‌ن سه‌قامگيرى ئه‌را ناوچه‌گه دابين ئه‌كا
2019-06-10 19:58:22
شه‌فه‌ق نيوز/ به‌رهه‌م ساڵح سه‌رۆك كومار عراق, له شار هه‌ولێر پايته‌خت هه‌رێم كوردستان، پيشوازى له مه‌ولود چاوش ئۆغلۆ وه‌زير خارجيه‌ى توركيا كرد و دويا روێداگه‌يل سياسى له ناوچه‌گه وه‌ليا باسكرد.
له‌و ديداره جه‌خت له خواست هاوكارى و هه‌ماهه‌نگى و پشتبه‌سانن وه گفتگوو جددى كريا له‌ناونى گشت لايه‌نه‌يل له‌وه‌ر يه‌كخستن هه‌وڵه‌يل وه‌خاتر چاره‌سه‌ر قه‌يرانه‌يل ئيسه‌و دويرگرتن له زووان هه‌ڕه‌شه وه‌خاتر ئه‌وه‌گ ملله‌ته‌يل ناوچه‌گه له‌ساى سه‌قامگيرى و ئاسايش و خوه‌شگوزه‌رى ئابوورى بژيه‌ن.
هه‌ر له‌و ديداره باسيش له ريه‌يل پته‌وكردن و په‌ره‌داين وه په‌يوه‌نديه‌يل دولايه‌نه‌ى ناونى عراق و توركيا كريا وه‌و جووره‌گ خزمه‌ت وه به‌رژه‌وه‌نديه‌يل هاوبه‌ش هه‌ردوگ وڵات بڕه‌سنێد.
