عراق و مسر و ئوردن له‌باره‌ى قوناغ دوياى داعش گرده‌وبوێن
شه‌فه‌ق نيوز/ وه‌زيره‌يل خارجيه‌ى عراق و ئوردن و مسر، له ديداريگ سێقۆڵى له به‌غداى پايته‌خت، چه‌ن كيشه‌و دوسيه‌يليگ سياسى و ئابوورى تاووتوێ كردن، له‌وانه‌يش دوسيه‌ى له‌ناوبردن تيرۆر و پشتگيرى عراق له قۆناغ دوياى داعش.
له‌و ديدار سێقۆڵييه چه‌ند دوسيه‌يگيش له باره‌ى ئاوه‌دانكردنه‌وه‌ى ناوچه‌يل ئازادكرياێ له داعش و مه‌سه‌له‌ى ئاواره‌يليش خريا وه‌ر باس و تاووتويكردن، بيجگه دوسيه‌ى ئابوورى ك يه‌كيگ له ئامانجه‌يل سه‌ره‌كيه له عراق و هه‌وڵ له‌تى ئه‌را جوورايه‌تى كۆمپانيايه‌يل و ده‌زگايه‌يل ئابوورى جياجيا ئه‌دريه‌ێد وه‌ل جيگيركردن ئه‌من و سه‌قامگيرى له ناوچه‌گه وه‌گشتى و په‌ره‌داين وه هاوكارى و كار هاوبه‌ش عه‌ره‌بى.
له‌و باوه‌تيشه‌و، ئه‌حمه‌د سه‌حاف قسه‌كه‌ر وه‌ناو وه‌زاره‌ت خارجيه‌ى عراقى له به‌ياننامه‌يگ وت: ئى دانيشتنه له مكوڕبوين ئى هه‌رسێ وڵاته سه‌رچه‌وه گرتگه ئه‌را راوێژكارى وه‌رده‌وام له‌بان باوه‌ته‌يل جياجياى محوه‌رى ك گرنگه ئه‌را هه‌رسێ وڵاته‌گه‌و ناوچه‌گه وه‌گشتى.
