عراق وه به‌راورد وه‌ل ده‌وڵه‌ته‌يل ناوچه‌گه‌و ئۆرپا كه‌مترين وشكانن ئه‌را كۆرۆنا ئه‌كا
2020-04-21 09:10:49
شه‌فه‌ق نيوز/ كۆمسيۆن باڵاى مافه‌يل ئاده‌ميزاد، ئاشكراى ئه‌وه كرد عراق كه‌مترين وشكانن تاقيكارى له ڤايرۆس كۆرۆناى تازه ئه‌كا له‌چه‌و وڵاته‌يل تر ناوچه‌گه‌و كشوه‌ر ئۆرپا.
له‌ى باوه‌ته‌و، عه‌لى به‌ياتى ئه‌ندام كۆمسيۆنه‌گه له به‌ياننامه‌يگ وت: شماره‌ى وشكاننه‌يل تاقيكارى له عراق و ده‌وڵه‌ته‌يل هاوسا و ئۆرپى ئه‌را هه‌ر يه‌ك مليۆنيگ وه‌ى جووره‌سه: عراق: ١٤٦٨، ئيتاڵيا: ٢٣٠٠٠، ئه‌ڵمانيا: ٢٠٠٠٠، ئسپانيا: ١٩٠٠٠، توركيا: ٧٩٩١، سعوديه: ٥١٧٠، ئيران: ٤٢٠٣، فلستين: ٣٣٠٠، ئوردن٣٢٣٤، لوبنان: ٣٠٦٦.
جى باسه، به‌ياتى هه‌ميش وت: مه‌سه‌له‌ى وشكانن هووكاريگ سه‌ره‌كيه ئه‌را زانستن شماره‌ى راسكانى و مامڵه‌كردن وه‌ليا.
