عراق وه‌رده‌وامه له هه‌وڵه‌يلى ئه‌را وساننه‌وه‌ى جه‌نگ له سوريا
شه‌فه‌ق نيوز/ به‌رهه‌م ساڵح سه‌رۆك كۆمار عراق، دو په‌يوه‌ندى جياجيا وه‌ل ئه‌نتۆنيۆ گۆتيريس ئه‌ميندار گشتى نه‌ته‌وه‌يل يه‌كگرتگ و فيدريكا مۆگرينى وه‌رپرس كاروبار خارجى له يه‌كێتى ئه‌وروپا ئه‌نجامدا.
سه‌رۆكايه‌تى كۆمار له به‌ياننامه‌يگ وت: ساڵح له په‌يوه‌نديى وه‌ل گۆتيريس باس له دويا روێداگه‌يل له عراق و هه‌وڵه‌يل ئه‌را هاوردنه‌وه‌ى سه‌قامگيرى و په‌يجورێ له تون وتيژيه‌يل ئى دوياخره‌و لێپرسينه‌وه له كه‌مته‌رخه‌مه‌يل و ئه‌وانه‌گ وه‌رپرسن له روێداگه‌يل خوه‌ينيشانداينه‌يل كردگه ك بويه‌سه هووكار قوربانى شماره‌يگ له عراقيه‌يل، بيجگه تاووتويكردن مه‌سه‌له‌ى داگيركارى توركى ئه‌را باكوور سورياو ئى رويداگه‌يل مه‌ترسيداره ك هه‌ڕه‌شه له ئاسايش هه‌رێمى ئه‌كاو جه‌خت له خواست هه‌وڵداين كۆمه‌ڵگاى ناوده‌وڵه‌تى كردگه ئه‌را وساننه‌وه‌ى جه‌نگ له‌سوريا و دويره‌وخستن كاره‌سات و رێگرى له هيزه‌يل تيرۆر.
له به‌ياننامه‌ى دويه‌ميش سه‌رۆكايه‌تى كۆمار وت: ساڵح له په‌يوه‌نديى وه‌ل مۆگرينى جه‌خت له خواست جموجويل يه‌كێتى ئه‌وروپاو ده‌وڵه‌ته‌يل ئه‌ندام كردگه وه‌شيوه‌يگ وه‌په‌له و جددى ئه‌را وساننه‌وه‌ى پرووسه‌يل سه‌ربازى توركى له سوريا و گرتنه‌وه‌ر ريه‌يل ئاشتيانه ئه‌را چاره‌سه‌ر كيشه‌يل و پشتگيريكردن سووريه‌يل وه‌خاتر ره‌سين ئه‌را چاره‌سه‌ريگ سياسى ك مافه‌يليان له ئاسايش و سه‌قامگيرى و ئاشتى زامن بكا.
