شەفەەق نیوز/ سەرچەوەیل ئەمنى باس لەوە کردن ، پرووسەیل ئەمنى فراوانیگ لە پاریزگایەیل دیالەو کەرکوک دەس وەپیکردگە ئەرا بنبڕکردن پاشماوەیل داعش و تەئمینکردن کەرتەیل ئەمنى لە پەلامارەیل ئەگەرکریاێ.

سەرچەوەیگ ئەرا شەفەق نیوز وت: هیزەیلیگ لە پۆلیس و سوپا هەڵمەتیگ ئەمنى لە حەوز وەقف(25من لە باکوور خوەرهەڵات باقووبە)لەناونى ناحیەى عەبارە و ئەبى سەیدا ئەنجام دانە و ئامانج لەو هەڵمەتیشە ئەوەسە پاشماوەیل داعش لەو ناوچەیلە بنبڕ بکریەێد.

لە کەرکوکیش هیزەیل پۆلیس و سوپا هەڵمەت فراوانیگ لە هەردوگ ناخیەى ریاز و رەشاد لە قەزاى حەویجە لە باشوو خوەرئاواى کەرکوک دەس وەپیکردن ئەرا بنبڕکردن پاشماوەیل تیرۆریستى داعش.

لەو باوەتیشەو سەرچەوەیگ ئەمنى لە پۆلیس کەرکوک ئەرا شەفەق نیوز وت: ئەو پرووسەى ئەمنیە پاککردنەوەى ناوچەیل دەورگرد هەردوگ ناحیەى رەشاد و ریاز ئەگرێدەو لە ئەنجام وجوود چالاکی و جموجویلەیلیگ لەلایەن تیرۆریستەیل داعشەو لەو ناوچەیلە