عراق په‌ره ئه‌ياده چاره‌سه‌ر و له‌ناوبردن كۆرۆنا له‌ڕێ تاقيكردنه‌وه‌يگ له‌بان ئاژه‌ڵه‌يل
2020-03-11 18:00:14
شه‌فه‌ق نيوز/ جه‌عفه‌ر عه‌لاوى وه‌زير ته‌ندروستى عراق، باس له ده‌سوه‌پيكردن په‌ره‌داين چاره‌سه‌ر تايبه‌ت دژ ڤايرۆس كۆرۆنا، يه‌يش ده‌رخست ك ده‌سكرياسه كاروه‌پيكردنى له‌ڕێ تاقيكردنه‌وه‌يلى له‌بان ئاژه‌ڵه‌يل.
عه‌لاوى وت: فه‌رمان دايمنه‌سه به‌ش نه‌خوه‌شيه‌يل ڤايرۆسى له وه‌زاره‌ت كشتوكاڵ ئه‌را شيه‌وكردن مه‌سه‌له‌گه له‌وه‌ر وه‌ده‌سهاوردن چاره‌سه‌ر و كاركردن وه‌پى له‌ڕێ تاقيكردنه‌وه له‌بان ئاژه‌ڵه‌يل.
جى باسه، عه‌لاوى يه‌يش ده‌رخست ك وه‌زاره‌ته‌گه په‌نا وه كادره‌يل عراقى به‌ێد ئه‌را دوينستنه‌وه‌ى چاره‌سه‌ر دژ ڤايرۆس كۆرۆنا و ئه‌يه‌ريه‌ێده كار ئه‌را حاڵه‌ته‌يل خاسه‌وبوين و نواگيرى له تويشهاتن وه‌و نه‌خوه‌شيه.
