شەفەق نیوز/ فراکسیۆن فەتح وە سەرپەرشتی هادی عامری، ئمڕوو شەممە، یەکلاکردنەوەی دەنگدان لە بان کابینەی وزارەت نەفت و دەرەوە، لە ماوەی ئی مانگ رەمەزانە وە دویر زانست.
فازل فەتلاوی نوێنەر فراکسیۆنەگە، ئەرا شەفەق نیوز وت: دانوستان و گفتوگۆی سیاسی له‌ ناوبەین حزبو فراکسیۆنە سیاسیەگان و موستەفا کازمی سەرۆک وەزیران تەواو نەوینە ئه‌را ناوناین کاندیدەیل هەفت وزارەتەگە ک مەنیە لە حوکومەت عیراقی.
وتیش؛ گفتوگو و دانوستانه‌ سیاسیەگان ئه‌را ناوناین کاندیدەیل وزارەتەیل مەنی وەرژە کۆتایی مانگ رەمەزان یەکلاوە بوود ، وه‌لی کاندیدەیل وزارەت نەفت و دەرەوە شایەت یەکلاوەکردنیان دویا بخریەێد ئەرا دویای جەژن.
لای خوەییش ئازاد حەمید قەڵەوڵس، ئمڕوو شەممە، ئاشکرا لە یەکدەسی سیاسییگ کرد ئه‌را پشتگیری حکومەتەگەی کازمی، ک ٥٠% لە بەشبەشیەگە لەناوداس. قەڵەوڵس ئەرا شەفەق نیوز وت؛ سەرۆک وەزیران وە رێککەفتن وەل فراکسیۆنەیل، کابینە وزارەتییەگە وە پەیمانەیگ جیواز لە ئەو حکومەتەیل ٢٠٠٣ تا ئیسە پەسەن کردن، و کەسایەتیەیل تیکنۆکرات و پسپۆر وەخوەی گرد.
وتیش؛ ئەرا رویوەڕوی بوین كیشه‌یل و رەوش ئیسەی وڵاتەگە، یەکدەسی سیاسی وە پشتگردن حکومەت هه‌س.