فەرماندەی ئۆپراسیۆنه‌گان دیالە ، پەلامارەیل داعش كه‌م بایه‌خن
شەفەق نیوز/ لیوا غەسان خالید عزی فەرماندەی ئۆپراسیۆناگان دیالە، ئمڕوو چوارشەممە، پەلامارەیل داعش لە پارێزگاگە وە جەنگ دزو جه‌ردەیل دانا، وتیش ریخریاگەگە خوازێد خوەینشان بیه‌ید .
عزی ئەرا ئاژانس شەفەق نیوز وت؛ ته‌قه و قەنناس وتەقینەوە و سزانن خەلەیل، کاره‌یلیگە چەتەیل تیرۆست له شوینەیل دویرده‌س کەنەی، ک یه كردار دزەیاتیە لەناو خەیلەو ناوچەیل کشاوەرزی کەنەی.
عزی دووپات کرد ک ئەو رەفتارەیلە هەڕەشە له ی ئارامی و کۆنتڕۆل هێزە ئەمنیەگان لە گشت پاریزگاگە نیەکەێد، هەرچەن شوین جوگرافەیگەی ئاڵۆزە، و هێزە ئەمنیەگان شیوه‌و تەکنیکەیل جەنگ نوو وەکارتێرن ئەرا چه‌ودیری و وەشوین کەفتن قەناسەیل داعش لە ری کامیرایل گەرمایی پیشكه‌فتگ و دووربینەیلیگ لە گشت شوینه‌یل پارێزگاگە نریاس ک بەشیگ له رویداده‌یل ئەمنی وه‌خوه‌ی دوینێد.
فەرماندەی ئۆپراسیۆنەگان دیالە، تاوان سزانن خەلیەیل ک وه‌ی دویادویا له بڕیگ لە ناوچەیل كریاس، هاوردەو ئەرا چەتەیلیگ خراوەکار لە یاسا دەرچگ، وەگەرد پاشمه‌نه‌ی داعش، ك خوازن شکست وە ئابووری ناوخۆیی بیەن، ورویدادەیل سزانن خەلیەیل گشت ساڵیگ لە پارێزگایل دیالەو سەلاحەدین وه‌ل پارێزگایل تر له وەرز دەرەو قومیەێد.
دیالە بەرزەوبوینی ژماره‌ی رویداگە یل ئەمنی وه‌خویه‌و دییه، وه‌تایبەت لە ناوچەیل باکوور خوەرهەڵاتی، چوینکە نزیکە لە ناچەیل خه‌ته‌ر له سنورە ئەمنیەگان وەل کەرکوک و سەلاحەدین، ک وە شوون داعش دانریەن.
