قازيفه‌ى "RBG7" نه‌خوه‌شخانه‌يگ له كه‌ركوك گرته ئامانج و زه‌خمدار له‌لى كه‌فته‌و
2019-06-27 10:19:00
شه‌فه‌ق نيوز/ سه‌رچه‌وه‌و شايه‌تحاڵه‌يليگ ئاشكراى ئه‌وه كردن ك سێ كه‌س زه‌خمدار بوينه‌و يه‌كيگ له‌ليان پۆليسه له‌ئه‌نجام په‌لاماريگ ك وه قازيفه‌ى "RBG7" ئه‌نجام درياگه‌و نه‌خوه‌شخانه‌ى ئازاداى له شار كه‌ركوك گرته‌سه ئامانج.
ئه‌و سه‌رچه‌وه‌و شايه‌تحاڵه‌يله وتن: ده‌مه‌و شه‌وه‌كى ئمڕوو چه‌كداره‌يليگ نه‌ناسرياێ هيزه‌يل ئه‌منى ده‌ورگرد نه‌خوه‌شخانه‌گه له كه‌ركوك وه قازيفه‌ى "RBG7" گرتنه‌سه ئامانج و سێ كه‌س زه‌خمدار كردنه.
هه‌مان سه‌رچه‌وه‌و شايه‌تحاڵه‌يل يه‌يش ده‌رخستن ك هيزه‌يل ئه‌منى ته‌قه له په‌لامارده‌ره‌يل كردنه، وه‌لێ دوياخر ئه‌و په‌لامارده‌ره‌يله له‌رێى قه‌رسانيگه‌و له‌وه‌رده‌م نه‌خوه‌شخانه‌گه‌و هه‌يواينه وه‌ره‌و شوون ناديار.
