كه‌سه‌يليگ نه‌ناسرياێ 25 دۆنم خه‌له‌ى جفتياريگ كورد له باشوور كه‌ركوك سزانن
2020-05-26 17:15:06
شه‌فه‌ق نيوز/ كه‌سه‌يليگ نه‌ناسرياێ، ئاگر له خه‌له‌ى گه‌نم جفياره‌يل كورد وه‌ردان له يه‌كيگ له ئاوايه‌يل سه‌ر وه ناحيه‌ى له‌يلان له پاريزگاى كه‌ركوك.
له‌ى باوه‌ته‌و، سه‌رچه‌وه‌يگ ئه‌منى ك نه‌تواس ناوى ئاشكرا بدێ، ئه‌را ئاژانس شه‌فه‌ق نيوز وت: كه‌سه‌يليگ نه‌ناسرياێ ك گومان ئه‌كريه‌ێد سه‌ر وه ريكخرياگ تيرۆريستى داعش بوون، ئاگر له خه‌له‌ى جفتياريگ كورد له ئاوايى ته‌رجل سه‌ر وه ناحيه‌ى له‌يلان وه‌ناو حاجى حه‌سه‌ن له‌يلانى وه‌ردانه‌و سزانه‌سه‌ى ك نزيكه‌ى 25 دۆنم بويه.
جى باسه، ناحيه‌ى له‌يلان سه‌ر وه‌پاريزگاى كه‌ركوك، ئه‌كه‌فێده دويرى 19كم له باشوور خوه‌رهه‌ڵات شار كه‌ركوك.
