كه‌سيگ نزيك له عامرى: چه‌ن سه‌عاتيگ تر دوسيه‌ى عه‌بدولمه‌هدى يه‌كلاوه ئه‌كريه‌ێد
شه‌فه‌ق نيوز/ هاوپه‌يمانى فه‌تح وه سه‌رۆكايه‌تى هادى عامرى، ئه‌وه ده‌رخست ك چه‌ن سه‌عاتيگ تر ئاينده مه‌سه‌له‌ى هه‌ڵوژاردن سه‌رۆك وه‌زيره‌يل تازه يه‌كلاوه ئه‌كريه‌ێد.
له‌ى باوه‌ته‌و، نه‌سيم عه‌بدوڵڵا سه‌ركرده له هاوپه‌يمانيه‌گه ئه‌را شه‌فه‌ق نيوز وت: مه‌سه‌له‌يگ هه‌س خريه‌ێده روێ له‌لايه‌ن هيزه‌يل سياسى شيعه‌وه ك له‌تى جاريگتر له‌نوو متمانه وه عادل عه‌بدولمه‌هدى ئه‌دريه‌ێد تاوه‌ختيگ هه‌ڵوژاردنه‌يل پيشوه‌خته ئه‌نجام ئه‌گريد، وه‌لێ ئى خستنه‌ڕويه وه‌شيوه‌يگ يه‌كجاره‌كى ريككه‌فتن يا ره‌ته‌وكردن له‌بانى نه‌كرياگه.
عه‌بدوڵڵا هه‌ميش وت: دانيشتن و گفتگووه‌يل وه‌رده‌وام ناونى هيزه‌يل سياسى شيعه و له ماوه‌ى دو رووژ تر ئاينده، له‌تى يه‌كلاى هه‌ڵوژانن سه‌رۆك وه‌زيره‌يل تازه ئه‌كريه‌ێد و ئى هه‌ڵوژاردنيشه يا كه‌سيگ سه‌روه‌خوه‌يى يا دوباره هه‌ڵوژاننه‌وه‌و راسپاردن عادل عه‌بدولمه‌هدى ئه‌دێ.
