شەفەق نیوز/ سەرچەوەیگ ئەمنی وەرپرس، روژ سێشەممە، باس لە دەسوەشانن ئاسمانی فڕۆکەیل هاوپەیمان ناوده‌وڵەتی کرد ،ئه‌را بان شوینەیل ریخریاگ داعش لە باشوور پارێزگای کەرکوک.
سەرچەوەگە ئەرا ئاژانس شەفەق نیوز وت؛ ١٣ کەس سەروە ریخریاگ داعش لە گورزە ئاسمانیگە کوشیان، ک فڕوکەی هاوپەیمان ناودەوڵەتی ئەنجامی دا لەبان شوینەیل حەشارگەی چه‌كداره‌یل ریخریاگە تیروریسته‌گه‌، لە ( وادی شای) باشوور کەرکوک.
شەوەکی ئمڕوو سێشەممە، ، ئەرا وەشکنین ناوچەیل باشوور کەرکوک، لە سنورە ناوبەین پارێزگای سەلاحەدین وکەرکوک ، ئۆپراسیون سەربازی دەسکردەپی.
عەلی حسێنی قسەکەر وەناو حەشد شەعبی لە تەوەر باكوور ئەرا ئاژانس شەفەق نیوز وت؛ لە قەزای داقوق ، دوو تیرۆرست لەبان دەس جەنگاوەرەیل حەشد شەعبی کوشیان.
وتیش؛ لە ئۆپراسیۆن ( پاڵەوانەیل عراق) ک لە پەنج تەوەر دەسکردەپی ، زیاتر لە ١٠ تەقینەوە پویچەڵ کردن. سەرچەوەیگ ئەمنی باس کرد؛ ک بڕیگ لە حەشارگەیل داعش ویران کریا، وتەقینەوەیلیگ چەکیا لە ئۆپراسیۆنیگ ئەمنی گشتگیر لە حەوز وەقف ٢٥ کلم باکوور بەعقوبە. وتیش؛ ئۆپراسیۆنەگان لە سێ تەوەرەو وەردەوامن ، وبه‌ش یەکەمین پلانەگە ئەنجام دریا.