له دو په‌لامار له دياله 6 كه‌س له هيزه‌يل ئه‌من بوينه قوربانى
شه‌فه‌ق نيوز/ سه‌رچه‌وه‌يگ پزيشكى له دياله ئاشكراى كوشيان 6 كه‌س كرد له هه‌ردوگ حه‌شد شه‌عبى و عه‌شايرى له دو په‌لامار ك له‌لايه‌ن ريكخرياگ داعشه‌و ئه‌نجام درياگه له قه‌زاى شاره‌بان و ناحيه‌ى عزێم.
ئه‌و سه‌رچه‌وه‌ى پزيشكيه ئه‌را ئاژانس شه‌فه‌ق نيوز وت: ئه‌نجام شماره‌ى كوشياگه‌يل له په‌لاماريگ تيرۆريستى ئه‌را بان خاڵيگ په‌يوه‌س حه‌شد شه‌عبى له ئاوايى ئه‌لبومه‌رعى له باكوور ناحيه‌ى عزێم به‌رزه‌و بويه‌و ره‌سيه‌سه 4 كه‌س و زه‌خمداربوين 4 كه‌س تر و بڕيگ له‌ليان زه‌خمه‌يليان سه‌خته‌و هيمان هانه نه‌خوه‌شخانه‌ى خاڵس.
له رويداگيگ تر، سه‌رچه‌وه‌يگ ئاشكراى كه‌فتنه‌وه‌ى دو قوربانى كرد له حه‌شد عه‌شايرى له په‌لاماريگ ك خاڵيگ ئه‌منى حه‌شد كرده‌سه ئامانج له ئاوايى شاقرار له ده‌ورگرد قه‌زاى شاره‌بان وه دويرى 40كم له باكوور خوه‌رهه‌ڵات باقووبه.
