شه‌فه‌ق نيوز/ شاره‌وانى ئه‌لقاع وسيانيگ هاوكاريانه‌ و نمازيگ له‌وه‌رده‌م كه‌نيسه‌ى مار ئه‌ليسا له‌ ئه‌لقاع وه‌به‌شدارى قه‌شه‌يل و ئه‌ندامه‌يليگ له‌ كۆمه‌ڵه‌ى مه‌سيحيه‌يل ئه‌لشه‌رق و ئارتور لونترنيه‌ى سه‌رۆكى ريكخست و له‌تى ناڕه‌زايه‌تى له‌باره‌ى رفانن ئه‌و سێ فره‌نسى و ته‌رجومه‌كار عراقيه‌ ده‌رخستتن ك وه‌رجه‌ هه‌فته‌يگ رفيانه‌و له‌ كۆمه‌ڵهى ناوبرياێ كار ئه‌كه‌ن له‌ عراق.

له‌وباوه‌ته‌و، ريكخه‌ره‌يل ئه‌و خوه‌ينيشانداينه‌ ئه‌و كرده‌وه‌ى رفاننه‌ وه‌ تونى شه‌رمه‌زار كردن و داواى ئازادكردنيان كردن وه‌ گورجترين وه‌خت و نماز له‌وه‌ر سه‌ڵامه‌تييان كردن ك وه‌گووره‌ى ريكخرياگيگ فره‌نسى ناحكومى ئه‌و رفياگه‌يله‌ له‌ به‌غدا له‌ رووژ دوشه‌ممه‌ى گوزه‌يشته‌و رفيانه‌.

جى باسه‌، كۆمه‌ڵه‌ى مه‌سيحيه‌يل كار له‌بان خزمه‌ت خوه‌ندنگاو وه‌ساڵاچگه‌يل و مناڵه‌يل و فه‌قيره‌يل ئه‌كا وه‌هاوكارى وه‌ل شاره‌وانى ئه‌لقاع و له‌چه‌ن ناوچه‌يگيش له‌ لوبنان و سوريا.