ليژنه‌يگ په‌رله‌مانى پيشنياريگ له‌باره‌ى گريه‌به‌سه‌يل كاره‌با پيشكه‌ش وه كازمى كرد
2020-05-27 19:46:46
شه‌فه‌ق نيوز/ محه‌مه‌د غزى جيگر سه‌رۆك ليژنه‌ى ياسايى په‌رله‌مانى، پيشنياريگ له‌باره‌ى گريه‌به‌سه‌يل وه‌زاره‌ت كاره‌با پيشكه‌ش وه مسته‌فا كازمى سه‌رۆك وه‌زيره‌يل كرد.
غزى له به‌ياننامه‌يگ ئه‌را ئاژانس شه‌فه‌ق نيوز، وت: بايه‌سه له‌بان سه‌رۆك وه‌زيره‌يل گريه‌به‌سه‌يل كاره‌با له‌ناونى وه‌زاره‌ته‌يل له به‌غدا دابه‌ش بكا له‌وه‌ر كه‌مه‌وكردن فشار له‌بان كۆمپانيايه‌يل له كه‌رته‌يل به‌رهه‌مهاوردن و گواستنه‌وه‌و دابه‌شكردن له‌وه‌ر چاره‌سه‌ر قه‌يران گريه‌به‌سه‌يل كاره‌با.
غزى باس له‌وه‌يش كرد گريه‌به‌سكاره‌يل وه‌ل وه‌زاره‌ت كاره‌با پيكهاتنه له هاووڵاتيه‌يل عراقى و ماف ئه‌وه ديرن مافه‌يل خوه‌يان وه‌رگرن له دامه‌زرانن و ته‌وزيفكردن و زوورميانيايش له ده‌رچگه‌يل په‌يمانگاو كۆليژه‌يلن و وه‌رپرسيارێتى حكومه‌ته مقه‌يه‌تى له‌ليان بكا.
