لە خەرج کردن پویل فرەیگ ئەرا هەڵبژاردن کازمی باس هاڵوەسان
شەفەق نیوز/ فەرمانگەی یاسایی لە ئەنجومەن نوێنەره‌یل عراق، ئمڕوو یەکشەممە، سکاڵایه‌گ دادوەری راگەیان، لەبان ژنه پسپۆریگ ئابووری ك زانیاریەیل دروکانی بڵاو کردیە.
له بەیننامەیگ ئەنجومەن نوێنەره‌یل ك رەسیە شەفەق نیوز، باس کریاس ک دەزگای یاسایی لە ئەنجومەن نوێنەره‌یل روژ یەکشەممە سکاڵای دادوەری لەبان سەلام سمێسم پسپۆر دارایی تۆمار کرد، ئەرا بڵاوکردن زانیاریگ دروکانی ودویر لە راسی لە باوەت خەرج کردن پویل گەپیگ، ئەرا سەنین شیرینی و میوانیکردن ئەندامەیل ئەنجومەن نوێنەره‌یل، له روژ دەنگدان لەبان حوکومەتە نووەگە، یه‌ش خراوی ئەرا ئەنجومەن نوێنەره‌یل وەخوەی هەڵگرێد،
وتیش؛ خوازیمن جەخت بکەیمن ک ئەنجومەن نوێنەره‌یل بڕوا دیرێد ک دادگای عیراقی قسەی یەکلاکەرەوە دیرێد، لەو خراوی و وەپەنکردنە ک لە سمێسمەو دژ وە ئەنجومەنەگە دەرچیه.
دەزگای راگەیانن لە ئەنجومەن نوێنەره‌یل داوا لە گشت میدیاگان کرد وەوردی مامەڵە وەل زانیاریەگان بکەن، وەگورەی ئەوەیگ لە سایت ئەنجومەنەگە لە بان ئەنتەرنێت بڵاوە بوود، چوینکە دەزگای راگەیانن لە ئەنجومەن نوێنەره‌یل تەنیا لایەنیگ فەرمیە وە بڵاوکردن خەوەرەیل.
پسپۆرە ئابووریەگە (سەلام سمێسم) لە پەیج فەیسبووک خوەی دویای دەنگداننەگە لەبان حوکومەت کازمی بڵاو کردوێد؛ نرخ بەقڵاوەو زەلابیا وبوڕماگان ک ئمڕوو نەنەی وەردەس پەڕلەمانتارەیل لە ئاهەنگ دامەزرانن حوکومەت کازمی ٣٧٠٠٠ دۆلارە، یە معقولە؟
