ماڵپه‌ڕيگ: زياتر له 3000 داعشى حوكم له‌سێداره‌داين دريانه له عراق و جيوه‌جێ ناكريه‌ێد
شه‌فه‌ق نيوز/ ماڵپه‌ڕيگ كه‌ناڵ رووسى له زووان سه‌رچه‌وه‌يگ ئه‌منى عراق، ئه‌وه ده‌رخست ك زياتر له 3 هه‌زار كه‌س تومه‌تباركرياێ وه ئنتما ئه‌را ريكخرياگ داعش سزاى له‌سێداره‌داين ده‌رهه‌قيان ده‌رچيه، وه‌لى ده‌سڵاته‌يل عراقى ئه‌و حوكمه تائيسه جێوه‌جى نه‌كردنه.
سه‌رچه‌وه‌گه وه‌گووره‌ى ماڵپه‌ڕ كه‌ناڵ روسيا ئه‌ليه‌وم ك ئاژانس شه‌فه‌ق نيوز ئاگادارى بوێ وت: زيندانه‌يل عراقى نيمچه پڕيگ بوينه له تيرۆريسته‌يل داعش ك له‌ى ساڵه‌يل دوياخره ده‌سگير كريانه و زياتر له سێ هه‌زار له‌ليان حوكم له‌سێداره‌داين ئه‌رايان ده‌رچيه ئه‌را ماوه‌ى چه‌ن مانگيگه، وه‌لى ئه‌و سزا تائيسه جيوه‌جى نه‌كرياگه.
جى باسه، سه‌رچه‌وه‌گه هه‌ميش وت: بڕيگ له‌و داعشيه‌يله ك حوكم دريانه، له‌لايه‌ن هيزه‌يل سورياى ديموكراته‌وه وه‌رجه ساڵيگ راده‌س وه هيزه‌يل عراقى كريانه.
