"مه‌ترسيدارترين" ژن له ريكخرياگ داعش له عراق بناس
شه‌فه‌ق نيوز/ شانه‌ى هه‌ڵۆيه‌يل هه‌واڵگيرى باس له مه‌ترسيدارترين ژنيگ كرد له‌ناونى ده‌سه‌ى په‌ره‌داين و دروسكردن مادده‌يل كيمياوى و بايلۆجى سه‌ر وه ريكخرياگ تيرۆريستى داعش ك زويتر ده‌سگير كرياگه.
له‌و باوه‌ته‌و، رووژنامه‌ى ئه‌لسه‌باح نيمچه فه‌رمى له زووان ئه‌بو عه‌لى به‌سرى سه‌رۆك شانه‌گه‌و وه‌ڕيه‌وبه‌ر هه‌واڵگيرى و دژه تيرۆر له وه‌زاره‌ت ناوخوه‌يى وت: ئبراز ئه‌لكوبه‌يسى تومه‌تبار تيرۆريست ك حوكم هه‌تاهه‌تايى ده‌رهه‌قى ده‌رچيه له‌ى دوياخره، يه‌كيگه له ديارترين توێژه‌ره‌يل بايلۆجێ و به‌شداريكه‌ر له به‌رنانه‌ى داعش ئه‌را دروسكردن و مه‌شقداين كه‌سه‌يل تايبه‌ت له دسه‌ه‌ى په‌ره‌داين و دروسكردن مادده‌ى بايلۆجێ و ئاماده‌كردن و به‌رهه‌مهاوردن و وه‌كارهاوردن چه‌كه‌يل كيمياوێ له وڵات و ده‌يشت وڵاته‌گه.
يه‌يش له‌وه‌ختيگه ئيفاده‌ى ئبراز ئه‌لكوبه‌يسى وه‌رگيرياگه ك چوين له‌ڕێ ماڵپه‌ڕه‌يل په‌يوه‌ندى كۆمه‌ڵايه‌تى باس له‌لى كرياو چيه‌سه ناو ڕزه‌يل ريكخرياگ تيرۆريستى داعس و جموجويله‌يلێ له ده‌يشت و له ناو وڵاته‌گه، بيجگه وه‌كارهاوردن مادده‌يل كيمياوى له كرده‌وه‌يليگ له به‌غدا.
