نه‌فت عراقى داوه‌زێ ئه‌را كه‌متر له 30 دۆلار
2020-03-14 07:47:32
شه‌فه‌ق نيوز/ مزهر محه‌مه‌د ساڵح راوێژكار دارايى سه‌رۆك ئه‌نجومه‌ن وه‌زيره‌يل، وت: نرخ به‌ميليگ نه‌فت خام عراقى داوه‌زيه ئه‌را ژير 30 دۆلار ئه‌مريكى، ك يه‌يش ماناى زه‌ره‌دكردن نيمه‌ى داهات وڵاته‌گه‌س.
له‌ى باوه‌ته‌و، رووژنامه‌ى "سه‌باح" نيمچه فه‌رمى له شماره‌ى ئمڕووى له زووان ساڵح وت: هه‌نارده‌يل نه‌فتيى عراق ريژه‌ى 98% له دراو بيگانه ئه‌را عراق پيكهاوردگه، وه‌لێ نه‌فت 45% له به‌رهه‌م گشتى ناوچه‌يى پيكهاوردگه‌و 93% له داهات بودجه‌ى گشتى، ك يه‌يش له‌يوا كردگه بدێده سه‌رچه‌وه‌ى سه‌ره‌كى ئابوورى عراقى.
باس له‌وه‌يش كرد حكومه‌ت چه‌ن رێ وشوونيگ بگرێده وه‌ر ئه‌را چاره‌سه‌ر قه‌يرانه‌گه له خه‌رجه‌يل گشتى و پابه‌ندبوين له‌وه‌ر روێ وه‌ڕوێ بوينه‌وه‌ى ئه‌و كه‌مييه ك روێداگه له نرخ نه‌فت.
