شەفەق نیوز/ کۆمیسیۆن وەرگری لە خاک، ک بارەگای هالە کەرکوک، ئمڕوو یەکشەممە، رەت پەلامارەیل تورکی وئیرانی کرد، ک كریاسه‌ بان ناوچەیل هەرێم کوردستان عراق، وداوا لە نەتەوە یەکگرتوەگان کرد ئەرا دەسوەردان.
ژمارەیک لە ئەندامەیل کۆمیسیۆنەگە لە کۆنگرەی رۆژنامەوانییگ ک ئاژانس شەفەق نیوز ئامادەی بوی وتن: کۆمیسیۆنەگە رەت پەلامارەگان لە بان گەل ئاشتیخواز کورد کەێد، وداوا لە نەتەوە یەکگرتوەگان و گشت رێکخراوەیل کۆمەڵگای مەدەنی كه‌ید ئەرا دەسوەردان و یەکلاکردن ئی دەسوەرانەیل رویسەختە.
وئاماژە دان ک کۆمیسیۆنەگە گشت نەتەوە برایەتیەگان لە گەرکوک گرێدەو وە عەرەب وکورد وتورکمان وئاشوریی.
ناوچەیلیگ لە هەرێم کوردستان وەی دویاییە کەفتنە وەر پەلامار ئاسمانی تورکی وئیرانی، و هێزەیلیگ تورکی هاتنە ناو هەرێمەگە، لە چوارچیوەی ئۆپراسیۆن سەربازییگ دژوە پەکەکە.
ئاوایەیلیگ و زەنجیرە کویەی سنوری نزیک لە شاروچکەی حاجی عومران ئەرا دوو روژ لەشوون یەک ، کەفتە وەر توپواران خەسیگ لە لایەن هێزەیل سوپای سەوری ئیرانی ، ئەویش هاووەختبوی وەل هاتن هێزەیل پیادەی تورکی ئەرا ناو خاك هەرێم کوردستان عراق، وه‌ قویلی زیاتر لە ١٠ کیلومەتر، لە نزیک ناوچەی باتوفەی سنوری، سەروە شار زاخۆ لە باكوور دهۆک.