هارتس: بۆردومان تازه‌يگ فه‌سيله‌يل ئيران له مه‌رز عراق گرته ئامانج
2019-09-17 09:33:28
شه‌فه‌ق نيوز/ رووژنامه‌ى هارتس ئسرائيلى وت: ميليشيايه‌يليگ ك له‌لايه‌ن ئيرانه‌و پشتگيرى ئه‌كريه‌ن، تويش بۆردومانيگ ئاسمانى هاتنه له مه‌رزه‌يل ناونى عراق و سوريا، جوور ئه‌وه‌گ هووكاره‌يل ره‌سانن له هه‌ردوگ وڵات باس له‌لى كردنه.
يه‌كيگ له كه‌ناڵه‌يل ئاسمانى عراقى، وه‌رپرسيارێتى ئه‌و بۆردومانه خسته بان وه‌رپرسيارێتى ئسرائيل ك له‌ناوچه‌ى ئه‌لبوكه‌مال كه‌فته‌سه‌و.
جى باسه، ئى بۆردومانيشه دوياى هه‌فته‌يگ له بڵاوبوينه‌وه‌ى راپۆرته‌يليگ له‌باره‌ى كوشيان 21 كه‌س هات له ئه‌نجام ته‌قينه‌وه‌ى كۆگايگ چه‌ك و ته‌قه‌مه‌نى سه‌ر وه ميليشيايه‌يليگ ك ئيران پشتگيرى له‌ليان ئه‌كا له پاريزگاى ئه‌نبار له خوه‌رئاواى عراق.
