هاوپه‌يمانى عامرى لايه‌نگرى مه‌ندن دو وه‌زير حكومه‌ت عه‌بدولمه‌هدى له‌كابينه‌ى كازمى ئه‌كا
2020-04-26 11:03:21
شه‌فه‌ق نيوز/ فازڵ فه‌تلاوى ئه‌ندام له فراكسيۆن فه‌تح، باس له‌وه كرد جه‌عفه‌ر سادق عه‌لاوى وه‌زير ته‌ندروستى و ژينگه و به‌نگين رێكانى وه‌زير ئاوه‌دانكردنه‌وه‌و نيشته‌جيكردن و شاره‌وانيه‌يل هه‌ق وه‌پيان دريه‌ێد له پۆسته‌يليان بميننه‌وه له حكومه‌ت ئاينده.
فه‌تلاوى ئه‌را شه‌فه‌ق نيوز وت: شماره‌يگ له وه‌زيره‌يل وه‌توانا له حكومه‌ت عادل عه‌بدولمه‌هدى سه‌رۆك وه‌زيره‌يل كاروه‌ڕيكه‌ر هه‌ن ئسپات توانايى خوه‌يان كردن له ئداره‌ى وه‌زاره‌ت، له‌ليانيش عه‌لاوى و رێكانى.
باس له‌وه‌يش كرد ئه‌و هه‌ردوگ وه‌زيره ريژه‌ى سه‌ركه‌فتن خاسيگ ئه‌نجام دانه له ماوه‌ى ئداره‌يان له وه‌زاره‌ت و شايسته‌ى ئه‌وه‌ن موجازات بكريه‌ن و دوياره كانديد بكريه‌ن له حكومه‌ت مسته‌فا كازمى سه‌رۆك وه‌زيره‌يل راسپارياێ و له ئه‌نجومه‌ن نوێنه‌ره‌يل متمانه وه‌پيان بدريه‌ێد.
