شه‌فه‌ق نيوز/ ده‌زگاى په‌يجوريه‌يل له‌ ده‌سه‌ى ده‌سپاكى ئاشكراى ده‌رچگن فه‌رمان زيندانيكردن ده‌رهه‌ق وه‌ وه‌زير وه‌رين رووشنهويرى كرد، ئه‌ويش له‌وه‌ر ئه‌نجامداين تاوان ئه‌نقه‌ز وه‌ دارايى و له‌وه‌ر به‌رژه‌وه‌ندى ئه‌و لايه‌نه‌ ك كار له‌تى كردياد.

ده‌زگاگه‌ له‌ باسيگ له‌باره‌ى ئه‌و مه‌سه‌له‌و هه‌واڵه‌كردنى ئه‌را دادگا، ئاماژه‌ وه‌ ئه‌وه‌ كرد دادگاى تاوانه‌يل كه‌رخ حوكم غيابى ده‌رهه‌ق وه‌زير وه‌رين رووشنهويرى ده‌ركردگه‌ ئه‌را ماوه‌ى هه‌فت ساڵ له‌وه‌ر ئه‌وه‌گ فه‌رمان وه‌ داين چه‌ك جوراوجوور داگه‌ وه‌بى هويچ هووكاريگ باوه‌ڕدار و وه‌چه‌واشه‌ى رێ وشوونه‌يل ياسايى.

جى باسه‌، ده‌زگاگه‌ هه‌ميش وت: ئه‌و فه‌رمان زيندانيكردنه‌ له‌ 8 حزه‌يران ئى مانگه‌ ده‌رچيه‌ وه‌گوورى مادده‌ى(340)له‌ ياساى سزايه‌يل عراقى ك هه‌ردوگ بڕگه‌ى فه‌رمان ده‌سگيركردن تاوانباره‌گه‌و زه‌فتكردن ماڵ و موڵكيشى ئه‌گريه‌ێده‌و.