هه‌وڵ ته‌قينه‌وه‌يگ له به‌غدا پويچه‌ڵه‌و كريا
2019-05-27 10:08:19
شه‌فه‌ق نيوز/ ده‌سڵاته‌يل ئه‌منى عراقى، باس له پويچه‌ڵكردنه‌وه‌ى هه‌وڵ ته‌قينه‌وه‌يگ كردن له‌ڕێ سه‌ياره‌يگ مينريژكرياێ له به‌غداى پايته‌خت.
له‌و باوه‌ته‌و، سه‌ركردايه‌تى فه‌رمانده‌يى به‌غدا له به‌ياننامه‌يگ وت: هيزه‌يل ئه‌منيمان له‌رێ داناين بازگه‌يگ له‌ناكاو له‌بان رێ ئه‌بوغرێب له خوه‌رئاواى به‌غدا تويه‌نستنه هه‌وڵيگ تيرۆريسته‌يل داعش ئه‌را وه‌ناو هاوردن سه‌ياره‌يگ مينڕيژكريا له جوور "كه‌يا به‌ستا" ئه‌را به‌غدا پويچه‌ڵه‌و بكه‌ن وه‌بى ئه‌وه‌گ زه‌ره‌ده‌يگ له‌لێ بكه‌فێده‌و.
له‌لايگ تريشه‌و ره‌سانن وه‌رگرى شارستانى ئاشكراى ئه‌وه كرد تيمه‌يل ئاگركوشنه‌وه تويه‌نستنه ئاگريگ له ناوچه‌ى زه‌يونه له به‌غدا وه به‌شدارى 15 سه‌ياره‌و تيمه‌يل ئاگركوشنه‌وه بكوشننه‌وه ك روێ له ناوه‌نديگ گه‌ورايگ بازرگانى كردوێد.
