شه‌فه‌ق نيوز/ جۆن بۆڵتن راوێژكار ئاسايش نه‌ته‌وه‌يى ئه‌مريكى جه‌خت له‌وه‌ كرد هه‌ڕه‌شه‌يل هه‌واڵگيرى له‌باره‌ى ئيران جددى و راسكانيه‌، له‌ هه‌مان وه‌خت ته‌هرانيش وه‌ ئه‌وه‌ تومه‌تبار كرد ك وه‌رپرسه‌ له‌ په‌لاماره‌يل ئى دوياخره‌ له‌ كه‌نداو ئه‌را بان كه‌شتيه‌يل و بوريه‌يل نه‌فت.

بۆڵتن باس له‌وه‌يش كرد ئه‌و ده‌سدريژيه‌يل ئى دوياخره‌ ك له‌لايه‌ن ئيران و بريكاره‌يلى له‌ خوه‌رهه‌ڵات ناوين ئه‌نجام دريان بويه‌سه‌ جێ نگه‌رانى و باس له‌وه‌يش كرد وه‌گووره‌ى ده‌سكه‌فتن زانياريه‌يل هه‌واڵگيرى ئه‌وه‌ ده‌ركه‌فتگه‌ ك هه‌ڕه‌شه‌يل رژيم ئيرانى هه‌ڕه‌شه‌يليگ سه‌خت و مه‌ترسيداره‌.

راوێژكار ئاسايش نه‌ته‌وه‌يى ئه‌مريكى وت: ئداره‌ى دۆناڵد تره‌مپ سه‌رۆك ئه‌مريكا زانياريه‌يل هه‌واڵگيرى مه‌ترسيداريگ وه‌پيه‌ ره‌سيه‌ له‌باره‌ى هه‌ڕه‌شه‌يل رژيم ئيرانى يه‌يش ده‌رخست ك په‌لاماره‌يل ئه‌را بان نه‌فتهه‌ڵگره‌يل و وێستگه‌ى فشارداين نه‌فت له‌ سعوديه‌و ناوچه‌ى سه‌وز له‌ عراق بويه‌سه‌ جێ نگه‌رانى ك ئيران و بريكاره‌يلى وه‌رپرسن له‌لێ.