وشدارى په‌رله‌مانى: بارودوخ ناوچه‌گه‌و عراق وه‌رگه‌ى قه‌يران زياتر ناگرێد
شه‌فه‌ق نيوز/ سه‌ركه‌وت شه‌مسه‌دين ئه‌ندام ئه‌نجومه‌ن نوێنه‌ره‌يل عراقى له‌بان فراكسيۆن ئاينده‌ى ئۆپۆزسيۆن, لايه‌نه‌يليگ سياسى تومه‌تبار كرد وه ئه‌وه‌گ كار له‌بان رمانن حكومه‌ت عادل عه‌بدولمه‌هدى ئه‌كه‌ن و پيشنيار وه‌پيداين مووڵه‌يگ كرد له‌و باوه‌ته‌و له‌ناونى شه‌ش تا 12 مانگ ئه‌را مه‌زه‌نه‌كردن زنجيره خاسسازيه‌يليگ ك حكومه‌ت ده‌نگ له‌بانى داگه.
شه‌مسه‌دين وت: هه‌وڵ بڕيگ له‌لايه‌نه‌يل ئه‌را رمانن حكومه‌ت عه‌بدولمه‌هدى وه مه‌هانه‌ى ئه‌وه‌سه ئاست خوه‌ينيشانداينه‌يل له گرژێ به‌رزيگه‌و لايه‌نه‌يليگ سياسى ئه‌وه‌نه‌ى رييه‌و دوير له ناوه‌يل خاسسازى.
شه‌مسه‌دين هه‌ميش وت: ئه‌و لايه‌نه‌يله باس له‌وه كرديان ك حكومه‌ت عه‌بدولمه‌هدى گه‌ورا هووكاريگه له شكه‌ستهاوردن له‌بان گشت ئاسته‌يل ده‌وڵه‌ت، له‌وه‌ختيگ ك عراق كيشه‌يل وه‌رجه 2003 و دوياى ئه‌وه‌يش داشتگه‌و جه‌خت له‌وه‌يش كرد ئه‌و لايه‌نه‌يله گشت ئه‌و شكه‌ست وه‌رين وه‌رجه 16 ساڵ و خراوى خزمه‌تگوزارى و بيكارى و راده‌سكردن پاريزگايه‌يل وه ده‌س داعش و وه‌تاڵانبردن بودجه په‌رده‌پووش ئه‌كه‌ن.
جى باسه، شه‌مسه‌دين وشدارييش دا له هه‌ر هه‌وڵيگ ئه‌را رمانن حكومه‌ت، چوينكه بارودوخ عراق و ناوچه‌گه وه‌رگرى قه‌يران زياتر ناگرن وه مه‌هانه‌ى خاسسازى.
