وه‌جبه‌ى تازه‌يگ له سلفه‌ى كارمه‌نده‌يل دابه‌ش كريا
2019-07-20 10:39:07
شه‌فه‌ق نيوز/ بانك رافده‌ين وه‌جبه‌ى تازه‌يگ له سلفه‌ى كارمه‌نده‌يل ده‌زگايه‌يل ده‌وڵه‌ت دابه‌ش كرد له‌ناونى 3 و 5 و 10 مليۆن دينار عراقى له‌ڕێ ماسته‌ر كارد ناوده‌وڵه‌تى.
له‌و باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ ئه‌را شه‌فه‌ق نيوز وت: وه‌جبه‌ى تازه‌يگ له سلفه‌ى كارمه‌نده‌يل ده‌زگايه‌يل ده‌وڵه‌ت ئه‌را زياتر له چوار هه‌زار كارمه‌ند دابه‌ش كرياگه له‌وانه‌گ مووچه‌يليان جيگيره له‌ى بانكه‌گه‌و كارت ئه‌لكترۆنى ديرن.
جى باسه، به‌ياننامه‌گه هه‌ميش وت: دابه‌شكردن ئه‌و سلفه له‌ڕێ په‌نجه‌موور كارمه‌نده‌گه و ئاگاداركردنى وه نامه‌يگ بويه ئه‌را وه‌رگرتنى دوياى ته‌واوكردن گشت رێ وشوونه‌يليگ ياسايى ئه‌را وه‌رگرتنى.
