وه‌رپرسيگ كورد له خانه‌قين: داعش سوود له بۆشايى ئه‌منى وه‌رگرتگه
شه‌فه‌ق نيوز/ چه‌كداره‌يل ريكخرياگ داعش له ناوچه‌يل كيشه له‌سه‌ر مه‌ترسى له‌بان هاووڵاتيه‌يل دروس كردنه، ئمجا بيجگه كوشتن و ته‌قينه‌وه‌يل، ده‌سكردنه‌سه رفانن هاووڵاتيه‌يليش، هه‌ر وه‌و خاتريشه وه‌رپرسيگ پارت ديموكرات كوردستان له خانه‌قين باوه‌ڕێ ئه‌وه‌سه بۆشايى ئه‌منى له‌ناونى هه‌رێم و باقى ناوچه‌يل تر عراقى كه‌فته‌سه‌و.
له‌ى باوه‌ته‌و، جه‌ليل ئبراهيم وه‌رپرس ريكخرياگ خه‌بات له لق پانزه پارتى له خانه‌قين له‌باره‌ى بارودوخ ناوچه‌گه وت: له مه‌رزه‌يلمان ناوچه‌يليگ كيشه له‌سه‌ر هه‌ن جوور له خانه‌قين و دبس و جه‌له‌ولاو سه‌عديه ك له‌تيان بۆشايى ئه‌منى روێداگه‌و داعش له‌تيان ده‌سڵات ديرێد، باس له‌وه‌يش كرد كاره‌يل رفانن له ناوچه‌يليان روێ ئه‌ياد وه‌ل كرده‌وه‌يليگ ته‌قنه‌وه‌و كوشتن.
جى باسه، ئبراهيم هه‌ميش وت: رووژ يه‌كشه‌ممه‌ى گوزه‌يشت ته‌قينه‌وه‌يگ له خانه‌قين روێداگه‌و له ئه‌نجاميشى 2 كه‌س كوشيانه‌و 11 كه‌سيش زه‌خمدار بوينه‌و 4 له زه‌خمداره‌يل له يه‌ك خيزان بوينه.
