شەفەق نیوز. پسپۆریگ یاسایی، ئمڕوو شەممە، وت؛ فەرماندەی گشتی هێزە چەکدارەیلە، دەسڵاتیگ دیرێد ک لە مادەی ٧٨ لە دەستور عیراق و یاسای حەشد شەعبی ژماره‌٤٠ ئەرا ساڵ ٢٠١٦ ، ک توینێد بەرپرسیگ یا فەرماندەیگ ئەرا حەشد شەعبی دانەێد، وکۆتایی وە قسەیل ئی باوەتە بارێد.
تاڕیق حەرب لە وتاریگ رۆژنامەوانی ك رەسیە ئاژانس شەفەق نیوز نویساس؛ فەرماندەی گشتی هێزەیل چەکدار سەرۆک وەزیران، دەسڵات داناین فەرماندەی حەشد شەعبی دیرێد، ئەگەر حەشد شیوەیگ سەربازی وسەرەکی بیاشتود.
تاریق حەرب دیاری کرد ک وه‌گویره‌ مادەی ٧٨ لە دەستور سەرۆک وەزیران خوەی فەرماندەی گشتی هێزەیل چەکدارە، و یاسای حەشد شەعبی ژمارە ٤٠ ساڵ ٢٠١٦ حەشد شەعبی وە هێزێگ سەربازی لەگشت روییگەو دانایە، وە جیوەجیکردن یاسایل سەربازی لەبان ئه‌ندامه‌یل حەشد شەعبییش، تایبەت ئەوەی پەیوەندی دیرێد وەسزایل سەربازی ویاسای خزمەت ومووچەی سەربازی، تەنانەت شەهیدەیلی وەگورەی شەهیدەیل سوپا دانریەێن، ویاسای ژماره‌ ٤٠ حەشد شەعبی گریەی حەشد داگە وەل فەرماندەی گشتی هێزە یل چەکدار.
حەرب وەگورەی ئەو مادەیل یاسایی و دەستوریە لە سەرۆک وەزیران و فەرماندەی گشتی هێزە چەکدارەیلە داوا کرد، کۆتایی وە قسەیل راگیانن بارێد ک باس لە بەرپرسایەتی حەشد شەعبی کەێد. وپێشنیار کرد ک پۆست بەرپرس حەشد شەعبی بیەێدە ئەفسەریگ دڵسوز ئەرا عیراق ك وه‌ دەسپاکی وبیلایەنی ناسریاگ بوود، وەگورەی دەسڵات دەوڵەتەگەی کازمی لەبان مادەی ٧٨ لە دەستور عیراق ویاسای حەشد شەعبی ژماره‌ ٤٠ ئەرا ساڵ ٢٠١٦ .
وتیش؛ رەوش عیراق ئی چنە باسێگ هەڵنێگرێد دەربارەی بەرپرس یا فەرماندەی حەشد شەعبی، وبایەسە سەرۆک وەزیران فەرماندەی گشتی هێزە چەکدارەیلە کۆتایی وەپی بارێد وە وەکارهاوردن دەسڵاتی وە داناین كه‌سێگ.