په‌رله‌مان عراق وه‌رپرسيگ حكومى چڕێد سه‌رۆك مافياى گه‌نده‌ڵى بويه له وه‌زاره‌تيگ
شه‌فه‌ق نيوز/ عادل خه‌ميش محه‌لاوى ئه‌ندام ليژنه‌ى نه‌فت و وزه‌ى نوێنه‌رايه‌تى، ئاشكراى چڕين وه‌رپرسيگ كرد له وه‌زاره‌ت كاره‌با ك مافيايگ گه‌نده‌ڵى له وه‌زاره‌ته‌گه دامه‌زرانگه.
محه‌لاوى له به‌ياننامه‌يگ وت: هه‌وڵه‌يليگ درياگه‌ئ ه‌را چه‌سپانن كه‌سيگ گه‌نده‌ڵ له پله يه‌ك ئه‌را پۆست بريكار وه‌زاره‌ته‌گه‌و تومه‌تباره وه مه‌سه‌له‌ى گه‌نده‌ڵى فريه گه‌ورا، له‌وانه‌يش فرووشتن دامه‌زرانن وه‌شيوه‌ى كرايه‌ى رووژانه‌و گريه‌به‌س ك گشت كه‌سيگ وه‌پى زانستگه‌و له‌باوه‌تيه‌و ليژنه‌يگ په‌يجوورى دامه‌زريا له‌لايه‌ن لوئه‌ى خه‌تيب وه‌زير كاره‌با.
جى باسه، محه‌لاوى هه‌ميش وت: ئيمه ده‌سخوه‌شى له هه‌ڵويست وه‌زير ئه‌كيم ئه‌را روێ وه‌ڕوێ بوينه‌وه‌ى گه‌نده‌ڵه‌يل وه‌تايبه‌ت ئى كابرا ك له‌لاى گشت كه‌سيگ ناسرياگه و مه‌ترسى گه‌ورايگ داشتگه له‌بان كاره‌يل وه‌زاره‌ه‌گه له‌وه‌ر ئه‌نجامداين كاره‌يل خراوى و دروسكردن مافياى گه‌ورا كه‌نده‌ڵى له وه‌زاره‌ته‌گه، ك وه‌ى نزيكه‌يله چڕێه‌يد و دادگايى ئه‌كريه‌ێد و دوسيه‌يلى ره‌سيه‌سه ده‌سه‌ى ده‌سپاكى.
