شه‌فه‌ق نیوز/ پارێزگای کەربەلا، ئمڕوو پەنجشەممە، وەگەرد کارەساتیگ دڵتەزن چەو کردەو، ئەویش سزانن چوار مناڵ وە بانزین لە لایەن باوگیانەو وە هووکار مرافەی خێزانی وەل هاوسەرەگەی .
بەیاننامەیگ ئەرا ڕاگەیاندن پۆلیس پارێزگاگە ک رەسیە ئاژانس شەفەق نیوز ؛ باسکرد : ئمڕوو ، دویای ڕووداویگ کوشتن لە شار حوڕ لە گەڕەک عەسکەری ولەوەر مەترسیداری وگرنگی رووداوەگە، لیوا ئەحمەد علی زوێنی وەرێوەبەر پۆلیس کەربەلا فەرمان دا وە دروسکردن دەسەیگ ئەڕا ئاشکراکردن ووردەکاریەیل رووداوەگە.
بەیاننامەگە هەمیش وت: دوای لێکۆڵینەوە وەگەرد بکوژەگە لە هووکارەیل کوشنتەگە، ئاشکراکرد ک ناکۆکی لە نێوان خۆی و خێزانەگەی بویە چوونکە داوای جیابوینەوە کردگە ئیجا ماڵ وە جی هیشتگە، دوای ئەوە تاوانبارەگە لە مەوقەی خەفتنیان دەرەگە لەبان مناڵەیلی بەساگە ک تەمەن کوڕە گەوراگەیان ۱۳ ساڵ بویە، و دویەتەگان (۱۱ و٦ و ۳ ساڵ بوینە ) ئیجا بانزین رشانیەسە ناو ژوورەگە و ئاگریان داگە تا گشتیان مردنە. بەیاننامەگە وت " تاوانبارەگە باوگیانە.