شەفەق نیوز/ وەرپرسیگ خۆجێی لە دیالە، ئمڕوو دووشەممە، دووپاتکرد لە چارەسەری قەیران نژیەگە، ک بویە هووکار رەتکردن لە وەرگردن بەرهەمەیل گەنم لە لایەن سایلۆگان پارێزگاگە.
عەبدلجەبار ئەحمەد عوبەیدی وەڕیەوبەر ناحیەی عزێم، ئەرا ئاژانس شەفەق نیوز وت؛ سایلۆگان پارێزگاگە دەور ١٢٠ هەزار تەن لە بەرهەم گەنم رەتکردن، چوونکە نژی هاناوی، ک بویە قەیران گەورایگ، ونیگەرانی ومەترسی لەلای کشاوەرزەیل لە زەرەد دارایی گەورایگ.
عوبەیدی دیاری کرد ک تویەم گەنمەگە ک وەزارەت کشتوکاڵی وەریگرد، تیکڵای نژی بوی، ک لە سایلۆگان کەرکوک وەرگریا، هەرچەن جفتیارەیل ناڕازی بوین وهشداری دان، وئاماژەدا ک جفتیارەیل سەرسام بوین وەختا بەرهەمەیلیان رەت کریا، هەرچەن وەرپرس نیین لە تیکڵای گەنمەگە وەل نژیەو.
عوبەیدی دووپات کرد ک قەیرانەگە چارەسەر کریا دویای دەسوەردان پەڕلەمانی و حکومەتی، ک هیشت وەزارەت کشتوکاڵی و بازرگانی گشت بەرهەمەیل گەنمەگە وەربگرێد، وەگورەی پلەیل پەسەنی وەکارهاوریاگ، ودیاری کرد کارەیل فروشتن وە رێکی ئەنجام دریەێد، وەگورەی ناوەندە دیاریکریاگان.
لەماوەیل وەرین ، هەزاران لە جفتیارەیل دیالە دادکردن لە رەتکردن وەزارەت بازرگانی لە وەرگردن دەیان هەزار تەن بەرهەم گەنمیان چوونکە تیکڵای نژی بوی.