شەفەق نیوز/ بڕیگ لە كارگه‌ره‌یل عیراقی لە کۆمپانیای ( سی ئاڕ جی ئەمنی) بڕیتانی، ک ها لە گێڵگەی نەفت قورنە لە بەسرە، ئمڕوو یەکشەممە، وه‌ خاتر ناڕەزابوینیان ئەرا کۆتایی هاوردن وه‌ کاریان هه‌م له‌نوو له‌ وەرانوەر بارگای کۆمپانیاگە لە برجسیە لە قەزای زوبەیر خۆنیشاندان كردن.
محمد شەممەری یەکی لە خۆپییشاندەرەیلە ئەرا شەفەق نیوز وت: ئی خۆپیشاندانە ئمڕوو دووارە بیەو وەرانوەر کۆمپانیەگە چوینکە و دەسپیچگ پەتای کۆڕۆنا ٤٩ كارگه‌رمان لە کار دەرکردن و پاپای داواکاریمان نەوین، تەنانەت بانگەوازمان رەسانیمنە نوینەرەیل پاڕێزگای بەسرە لە دەسەی نەفت و وزەی پەرلەمان و وه‌رپرسه‌یل پاڕێزگه‌. ئیمە ترسیمن ک ئەگەر بی کار نیشتیمن چارەنویس ٤٩ خیزان بڕەسیدە ورسگی ونەداری.
ئه‌و كارگه‌ره‌یله‌ هەڕەشە لەوە دان ک خۆپیشاندنەگەیان فره‌تر كه‌ن ئەگەر دەسەی نەفت و وزە لە پەرڵەمان وڵام ئەی ستەمدیدەیله‌ نەیان .