شەفەق نیوز/ موستەفا کازمی سەرۆک وەزیران، ئمڕوو سێشەممە، وت: عراق پشتگیری ئیران کرد لە قەیرانە ئابووریەگەی، و دووپاتکرد لە خود وەختەگە ک حکومەتەگە سیاسەت دەرەوەی وەکارهاورد لە بان بنەمای هاوسەنگی و نا دەسوردان لە باوەتە ناوخۆیەگان.
کازمی لە کۆنگرەی هاوبەشیگ وەگەرد حەسەن روحانی سەرۆک کۆمار ئیران لە تەهران وت: ئیمە هایمنە وەردەم سەختیەیلیگ و بایەسە هەماهەنگی وەگەرد ئیران بکەیمن، و گتفوگو وەل سه‌رۆک ئیران کردم ئەرا هەماهەنگی لە نواگردن سەختیەگان وەتایبەت ڤایرۆس کۆرۆنا.
وتیش: ئووشیمنە برایلمان لە ئیران؛ گەل عراق دووسە و خوازێد پەیوەندیەگان خاستره‌و بكریه‌ن و هاوکاری دووانی بوود لە بان بنەمای تایبەتمەندی هەر وڵاتیگ و لە نا دەسوەردان لە باوەتە ناوخۆیەگان.
کازمی هەمیش وت: وەیەکەو جەنگ کردیمن وەرانوەر داعش و کۆمەڵە توندڕەوەگان، و ئیران یەکەمین بوی ک پشتگیری عراق کرد لە جەنگەگەی دژوە توندڕەوگان، ئەرایە عراق وسیا شان ئیران لە قەیرانە ئابووریەگەی، و عراق بویە بازاڕیگ ئەرا كاڵایه‌یل ئیران.
هەمیش وت: سیاسەتمان لە عراق هالە بان نیاز پاکی وەگەرد دەوڵەتەیل هاوسا، و بایەسە ناوچەگە دەربکەیمن لە قەیران وئاڵوزیەگان و کار وەگەرد دەوڵەتەگانی بکەێمن ئەرا چارەسەری گشتگیر بکەفێدە پای بەرژەوەنی گەلەیلمان. سەرۆک وەزیران هەمیش باسکرد: سیاسەت دەیشتیمان هابان بنەمای هاوسەنگی و دویرەو کەفتن لە سیاسەت لاگیرانه‌، ئەراوە عراق نێوودە شوونیگ ئەرا پەلامارداین ئیران.