سه‌رچه‌وه‌يليگ ئاسايشى باس له‌وه‌ كردن ك ئه‌و گرووپه‌ چه‌كداره‌ هه‌وڵ ئه‌وه‌ دانه‌ بچنه‌ ناو ناوه‌نديگ ته‌ردوسى ك هيمان ته‌مام نه‌ويه‌ له‌ ناوچه‌ى ئه‌لزه‌يونه‌ له‌ خوه‌رهه‌ڵات به‌غدا.

هه‌مان سه‌رچه‌وه‌يل ئاماژه‌ وه‌يه‌يش كردن ك هيزه‌يل ئاسايشى ئابڵوقه‌ى ده‌ورگرد باڵه‌خانه‌گه‌ دانه‌و داوا له‌و گرووپ چه‌كداره‌ كردنه‌ باڵه‌خانه‌گه‌ بيلنه‌جى يا خوه‌يان بيه‌نه‌ ده‌سه‌و، وه‌لى گرووپه‌گه‌ جواو ئه‌و داواكاريه‌ نه‌يانه‌سه‌وه‌و جه‌نگ سه‌ختيگ به‌رپا بويه‌ وه‌بى زانستن زه‌ره‌د گيانى.

هه‌ر له‌و باوه‌تيشه‌و شانه‌ى ره‌سانن جه‌نگى له‌ به‌ياننامه‌يگ ك(شه‌فه‌ق نيوز)ئاگادارى بوى وت: ئه‌و گرووپ چه‌كداره‌ ده‌سگرتنه‌سه‌ بان ئه‌و باڵه‌خانه‌ له‌ ناوچه‌ى ئه‌لزه‌يونه‌ و خوازيار بوينه‌ بكه‌نه‌ى بنگه‌ى سه‌ربازى وه‌بى ئه‌وه‌گ موڵه‌ت فه‌رمى داشتوون، وه‌لى هيزه‌يل ئاسايشى گرووپه‌ چه‌كداره‌گه‌ له‌تى ده‌ركردنه‌و وشدارى ئه‌وه‌ دانه‌ ك نه‌بايه‌د هويچ كه‌س و لايه‌نيگ ئاسايش ناوخوه‌يى بشيونيد.

ج . أ