یه‌كه‌مین شوون كه نوای داعش وسا ، داوای له‌ناوبردن شوون حه‌شاریان ئه‌كا
یەکەمین ناحیە ک بەرخودان داعش کرد داوای چارەسەری لانەیل ریخریاگەگە کەن
شەفەق نیوز/ ناحیەی زوویە، له باکوور سەلاحەدین، ئمڕوو دووشەممە، داوای چارەسەری لانەو شوون حەشار ریخریاگ داعش کرد، ک هەڕەشەی ئارامی دەێد، لەناوبه‌ین سنور سەلاحەدین و کەرکوک.
محمد زەیدان وەڕیەوبەر ناحیەگە ک سەروە قەزای شیرگاتە ئەرا ئاژانس شەفەق نیوز وت؛ دەیان كه‌س لە داعش هانە ناوبه‌ین سنور شیرگات وپەڕ کەرکوک، لەناوچەیل زعینە ، میل و نزیک پرد فەتحە جوور لانەو حەشارگه و شوین ئاڵشتکار وگونجیاگ ئەرا حەشارەبوین و واین لە دەزگایه‌ل ئەمنی وفڕۆکەیه‌ل جەنگی وه‌كاری هاوردنه .
وتیش لەبان چەودێری وەردەوام کامیرا گەرمیەگان، بەڵکم زەوی پیچەڵپیچ ودوڕیانەگان شوین پەنای داعش وحەشارگه‌ی دویر لە چەو دەزگایه‌یل و فڕۆکەی جەنگیین. یه‌ش ئۆپراسیۆن خەسیگ خوازێد، تا لانەو حەشارگه‌یل داعش وەتەواوەتی لەناو بیریەێد. لە لایەنیگ تر زەیدان دووپات کرد ک فرە لە ئاوارەگان هاتنەو ئەرا ناوچەیل ناحیەگە ودەورگردی، ک ٤٤٩٠ ژماره‌یان خیزانه ك هاتنەو ئەرا ناوچەی زوویە و نەمل ومیسحک.
ناحیەی زوویە وە یەکەمین ناوچەیل عیراق دانریەێد ک وەرخودان چەکدارەیل داعش کرد، لە روژ ٧ تەمووز ٢٠١٤ ، ک خەڵک زوویە دەور ١٥ ساعەت وەرخودان داعش کردن، وەلی لەوەر کەمی چەک و پشتنەگردن حکومەت عراق ئەرا ئی جەنگاوەرەیلە، چەکدارەیل ریخریاگەگە زوویە داگیرکردن،.
