شەفەق نیوز/ وەرپرسیگ وەرین و چالاکوان مەدەنی لە قەزای خانەقین، ئمڕوو چوارشەممە، باس تەواونەکردن پڕۆژە وەسیاگ و دیر کەفتگەیل حکومەت هەرێم کوردستان لە قەزا دابڕیایەگە کرد، ک وەهووکار قەیران دارایی وسیانە.
سەمیر محمد وەرپرس ئەنجومەن پووچەڵ کریاگ خانەقین ئەرا ئاژانس شەفەق نیوز وت: قوباد تاڵەبانی جیگر سەرۆک وەزیران حکومەت هەرێم کوردستان لە سەردانەگەی ئەرا خانەقین وەرجە زیاتر لە ساڵیگ دووپاتکرد لە ئامادەکردن پلان توکمەیگ ئەرا تەواوکردن پڕۆژە وسیایەگان، لە ئەوانەگ ئاست ئەنجامیان لە ٥٠% زیاترە، و وتیش ؛ قەیرانە داراییەگە وە ئەو رەوشەگان تر نوای ئی کارە گردن.
محمد وتیش: حکومەت هەرێم دەیان پڕۆژەی خزمەتگوزاری گرنگ لە خانەقین جیوەجیکرد، وەرجە ساڵ ٢٠١٤ لە کەرتەیل ریوبان و وەرزشی و شاره‌وانی. وتیش؛ قەیرانە داراییەگان نواگیربوی لە دەسکردن وە هەر پڕۆژەی نوویگ ئەرا حکومەت هەرێم لەو وەختەو.
لە لای خوەییش؛ سەلام عەبدولڵا چالاکوان مەدەنی و ئەندام دەسەی کار هاوکاری لە خانەقین لە قسەیگ ئەرا ئاژانس شەفەق نیوز توانای حکومەت هەرێم لە جیوەجیکردن پڕۆژەیل نوویگ لە خانەقین یا ناوچەیلیگ سەروە قەزاگە وەدویر زانست، لەوەر قەیرانە داراییەگە ک لەلی زیان دوینێد لەئەنجام بڕین مووچەی فەرمانبەرەیل هەرێم لەلایەن بەغداد.
عەبدولڵا قەیرانە داراییەگان لە بەغداد و هەولێر هاوردەو ئەرا سیاسەتە هەڵەگان ک شکست هاورد لە فرەی دەوڵەتەیل پێشکەفتگ جهان، وئاماژەدا ئەرا گرنگی خاسەوکردن سیستم ئابووری لە عراق ئەرا هاوردنەوەی هاوسەنگی ئابووری.
جی باسە ک حکومەت هەرێم کوردستان زیاتر لە ٧٠ ملیار دینار خەرجکرد لە ساڵەیل ناوبەین ٢٠٧ – ٢٠١٤ ئەرا پاڵپشتی و خەرجکردن پڕۆژەیل خزمەتگوزاری و ئاوەدانی لە ناوچە دابڕیایەگان لە دیالە، ک خانەقین و دەورگردی گریدەو وهەمیش ناحیەی مەنەلی.