ئاماده‌كاريه‌يل دره‌وكردن گه‌نم له خانه‌قين و كه‌لار ره‌سيه‌سه ته‌واوبوين
شه‌فه‌ق نيوز/ وه‌ڕيه‌وبه‌رايه‌تى كشتوكاڵ خانه‌قين ئاشكراى ته‌واوبوين ئاماده‌ركاريه‌يل كرد ئه‌را دره‌وكردن 376 دۆنم له گه‌نم له خانه‌قين و ناحيه‌يل مه‌يدان و قۆره‌توو سه‌ر وه قه‌زاى كه‌لار و پيشبينى يه‌يش كرد به‌رهه‌مى له ئمساڵ بڕه‌سيده 100 هه‌زار ته‌ن.
له‌ى باوه‌ته‌و، كامه‌ران عه‌بدوڵڵا وه‌ڕيه‌وبه‌ر ده‌زگاگه ئه‌را شه‌فه‌ق نيوز وت: هه‌ڵمه‌ت دروكردن ئمساڵ وه سه‌رپه‌رشتى به‌ش كشتوكاڵ خانه‌قين و وه‌ڕيه‌وبه‌رايه‌تى كشتوكاڵ سه‌ر وه هه‌رێم ده‌س وه‌پى ئه‌كا وه ئه‌وه‌گ به‌رهه‌مه‌يل ناوه‌ند خانه‌قين بخريه‌ێده سايلۆيه‌يل به‌عقوبه وه‌گووره‌ى پلان بڕياردرياێ كشوكاڵى و به‌رهه‌مه‌يل ناحيه‌يل مه‌يدان و قۆره‌توويش ئه‌را سيلۆيه‌يل قه‌زاى كه‌لار سه‌ر وه پاريزگاى سلێمانى بووريه‌ێد.
عه‌بدوڵڵا وت: پيشبينى ئه‌وه ئه‌كريه‌ێد به‌رهه‌م گه‌نم وه‌رز ئيسه له ناوه‌ند خانه‌قين بڕه‌سيده 40 هه‌زار ته‌ن و ئه‌و بڕه به‌رهه‌ميشه ك بڕياره سايلۆيه‌يل به‌عقوبه وه‌ريبگرن 30 هه‌زار ته‌نه وه‌گووره‌ى پلان كشتوكاڵى.
