وه‌زير وه‌رگری ئه‌ڵمانی له‌ لێدوانيگ ك(شه‌فه‌ق نيوز)ئاگاداری بوی، وت: كلكردن سه‌رباز جووريگه‌ له‌ به‌شداريكردن جه‌نگ دژ ريكخرياگ ترۆريستی داعش بيجگه‌ ده‌سميه‌ت ئنسانی ئه‌را هه‌رێم كوردستان.

له‌لايه‌ن خوه‌ييشه‌و جۆرج ڤيلمان شاره‌زا له‌ سياسه‌ت خارجيه‌ی حزب ديموكرات مه‌سيحيه‌يل هاوپه‌يمان يه‌كێتی ديموكرات مه‌سيحی ئه‌ڵمانيا له‌باوه‌ت به‌شداريكردن ته‌ياره‌يل تۆراندۆی ئه‌ڵمانييش ئه‌و جووره‌ به‌شداريكردنه‌ وه‌ دوير نازانێد و باوه‌ڕيشی ئه‌وه‌سه‌ ئه‌گه‌ره‌يل بڕيارداين له‌بان وه‌كارهاوردن ئه‌و ته‌ياره‌يله‌ ك له‌ سورياو عراق وجوود ديرن كار خواستيگه‌ و بايه‌سه‌ نه‌ته‌وه‌يل يه‌كگرتگيش بڕيار بيه‌ێد، چوينكه‌ هيز پياده‌ نه‌بايه‌د راسه‌وخۆ بچێده‌ ئه‌و جه‌نگه‌و.