ئيليزيه: ماكرۆن وه‌ى نزيكه‌يله سه‌ردان عراق و جه‌خت له پشتگيرى كوردستان كرد
شه‌فه‌ق نيوز/ سه‌رۆكايه‌تى فره‌نسا باس له‌وه كرد ئيمانۆيل ماكرۆن سه‌رۆك، له ماوه‌ى چه‌ن مانگيگ نزيك ئاينده سه‌ردان عراق ئه‌كا.
له كوتايى گفتگووه‌يل ماكرۆن له پاريس ك وه‌ل نێچيروان بارزانى سه‌رۆك هه‌رێم كوردستان ئه‌نجامى دا، كوشك ئيليزيه له به‌ياننامه‌يگ وت: سه‌رۆك كۆمار پيروزبايى له هه‌ڵوژاردن سه‌رۆك هه‌رێم و دامه‌زرانن حكومه‌ت تازه‌ى هه‌رێم كوردستان كردگه.
به‌ياننامه‌گه هه‌ميش وت: ماكرۆن ئه‌را بارزانى جه‌خت له‌وه كردگه پاريس پشتگيرى له يه‌كگرتگى عراق و سه‌روه‌ريى ئه‌كا وه‌ل گشت ريز و حورمه‌تيگ ئه‌را پيكهاته‌يلى و خوه‌شاڵيش بويه وه‌و پيشكه‌فتنه ك ئه‌نجام درياگه له گفتگوو له‌ناونى به‌غداو هه‌ولێر و مه‌يل خوه‌يشى ئه‌را سه‌ردان عراق ده‌رخستگه له ماوه‌ى چه‌ن مانگيگ نزيك و ئاماژه وه‌يه‌يش كردگه فره‌نسا وه‌رده‌وام ئه‌دێ له پشتگيرى هه‌رێم جوور عراق وه‌گشتى له له‌ناوبردن تيرۆر.
