ئۆتۆمبێلێگ كه‌فته ده‌ریاچه‌ی سیروان و دو كه‌س له‌تى گيان له‌ده‌سدان
2019-08-11 20:01:18
شه‌فه‌ق نيوز/ ئۆتۆمبێلێگ كه‌فته ده‌ریاچه‌ی سیروانه‌و له وه‌ربه‌س ده‌ربه‌نديخان له پاريزگاى سلێمانى له هه‌رێم كوردستان و دو كه‌س له‌تى خنكيان و گيان له‌ده‌سدان.
له‌و باوه‌ته‌و، رائد رێزان بورهان وه‌ڕيه‌وبه‌ر هاتوچوو قه‌زاى ده‌ربه‌نديخان له لێدوانيگ رووژنامه‌گه‌رێ وت: ئه‌و روێداگه له‌بان رێ شميران له نزيك ناوچه‌ى گه‌شتيارى بان قوێن بويه ك له‌تى ئۆتۆمبێليگ كه‌فته‌سه ناو وه‌ربه‌سه‌گه‌و له ئه‌نجام ئه‌و رويداگيشه شوفێره‌گه‌و پيره ژنيگ خنكيانه‌و ته‌رمه‌يليان ده‌ركريانه.
جى باسه، وه‌ڕيه‌وبه‌ر هاتوچوو قه‌زاى ده‌ربه‌نديخان هه‌ميش وت: تابلۆ ئۆتۆمبێله‌گه شماره‌گه‌ى 4557 سلێمانى بويه‌و وه‌ناو عوسمان ئه‌حمه‌د مه‌حمود ك خه‌ڵك گه‌ڕه‌ك توى مه‌ليكه له شار سلێمانى.
