بارزانى له‌ په‌ياميگ وه‌ بوونه‌ى سه‌رساڵ تازه‌ى زايينى ك(شه‌فه‌ق نيوز)ئاگادارى بوى، وت: جاريگتر داوا له‌ حزبه‌يل رى وه‌پيدرياگ له‌لايه‌ن حكومه‌ت هه‌رێمه‌و ئه‌كه‌م دانيشتنه‌يل فراوانيگ ئه‌نجام بيه‌ن وه‌خاتر كووتاييهاوردن وه‌ مه‌سه‌له‌ى سه‌رۆكايه‌تى و بريار ئه‌نجامداين هه‌ڵوژاردنه‌يل تازه‌ بيه‌ن ئه‌را سه‌رۆكايه‌تى يا رازى بوون له‌بان كه‌سيگ تر سه‌رۆكايه‌تى وه‌ربگرێد تا ئه‌نجامداين هه‌ڵوژاردنه‌يل په‌رله‌مانى ساڵ 2017 و منيش وه‌گشت توانايگه‌و پشتگيرى له‌لى ئه‌كه‌م، يا بريار بيه‌ن ئى باره‌ جوور خوه‌ى بمينێد تا وه‌خت هه‌ڵوژاردنه‌يل ساڵ 2017 وه‌ بوونه‌ى ئه‌و جه‌نگه‌و ك هاته‌سه‌ تويش هه‌رێم.

جى باسه‌، بارزانى له‌و په‌يامه‌ هه‌ميش وت: داوا له‌گشت لايه‌نه‌يل ئه‌كه‌م كووتايى وه‌ ئستغلالكردن مه‌سه‌له‌ى سه‌رۆكايه‌تى هه‌رێم بارن و ئى باوه‌ته‌ جاريگتر نه‌دێده‌ بار قورسايى ئه‌را ملله‌ت و سه‌خته‌وكردن كيشه‌يل.