بارزانى و ساڵح باس له چوار مه‌سه‌له‌ێ گرنگ ناونى به‌غداو هه‌ولێر ئه‌كه‌ن
2019-09-18 09:56:07
شه‌فه‌ق نيوز/ نێچيروان بارزانى سه‌رۆك هه‌رێم كوردستان و به‌رهه‌م ساڵح سه‌رۆك كۆمار عراق، جه‌خت له‌بان وه‌رده‌وامى گفتگوو كردن ئه‌را چاره‌سه‌ر كيشه‌يل ناونى هه‌ولێر و به‌غدا.
سه‌رۆكايه‌تى هه‌رێم له به‌ياننامه‌يگ وت: بارزانى و ساڵح جه‌خت له پته‌وكردن په‌يوه‌نديه‌يل ناونى هه‌ولێر - به‌غدا و وه‌رده‌وامى گفتگوو كردنه ئه‌را چاره‌سه‌ر كيشه‌يل له‌بان بنه‌ماى ده‌ستوور.
به‌ياننامه‌گه يه‌يش ده‌رخست ك له‌و ديداره گفتگوو له‌باره‌ى چه‌ن مه‌سه‌له‌يگ گرنگ ناونى حكومه‌ت ناوه‌ندى و حكومه‌ت هه‌رێم كوردستان كرياگه وه‌شيوه‌يگ تايبه‌ت و مه‌سه‌له‌يل بودجه‌ى گشتى ساڵ ئاينده‌ى حكومه‌ت ناوه‌ندێ و مادده‌ى 140 ده‌ستوور و داناين ياسايه‌يل و هه‌ڕه‌شه‌يل و مه‌ترسيه‌يل تيرۆر و تونڕه‌وێ.
