بارزانی باس له به‌شداری پێشمه‌رگه كرد له جه‌نگه‌يل ڕقه
2015-11-24 09:01:47
بارزانی له‌و ديمانه ك(شه‌فه‌ق نيوز)ئاگاداری بوی، له جواو پرسياريگ له‌باوه‌ت هيز و توانای پێشمه‌رگه وت: ئه‌گه‌ر هات و ئی ريكخرياگ ترۆريستيه له ناو نه‌وريا له عراق و سوريا ئه‌وه ترۆر له ناوچه‌گه‌و جه‌هان هه‌ر ئه‌مينێد و شايه‌ت پێشمه‌رگه له چوارچيوه‌ی هاوپه‌يمان ناوده‌وڵه‌تی به‌شيگ بدێ له‌و هيزه‌يله ك به‌شداری ئازادكردن ڕقه ئه‌كه‌ن.
جى باسه، بارزانى له جواودانه‌وه‌ی پرسياريگ رووژنامه‌ی ناوبرياگ له‌باوه‌ت هاوكاری وه‌ل توركيا دژ داعش وت: له سه‌ره‌تای جه‌نگ دژ داعش بڕيگ تێبينی داشتيمنه له‌بان هه‌ڵويست توركيا، وه‌لی دوياخر هه‌نای توركيا ڕی دا هيزه‌يل پێشمه‌رگه وه‌ناو خاكه‌يل گوزه‌ر بكه‌ن وه‌ره‌و كۆبانی باوه‌ڕمان ئه‌وه بوی توركيايش وه شيوه‌يگ جددی به‌شداره له هاوپه‌يمان ناوده‌وڵه‌تی دژ ئه‌و ريكخرياگ ترۆريستيه.
